Gomeru: Llume

Gomeru, "Llume"

NOVEDÁ: MALA FAMA, LOS DISCOS DEL CUÉLEBRE

El colectivu Glayíu vuelve a la carga col segundu discu qu´asoleya Mala Fama, la colección que dedica a la música más actual de la nuestra tierra.

Llume ye´l nuevu trabayu del grupu astur Gomeru.
Nueves cancios nes que la banda carbayona dexa bien nidia la so postura frente a otros tantos temes. La llucha Palestina, la situación del Sáhara, la violencia machista, o la reivindicación llingüística son dellos d´esos temes. Nueves cantares contundentes que recuerden a los primeros Dixebra o a los vascos Hertxainak.

Gomeru amuesa en Llume un soníu más maduru y ellaborau, con guitarres más nítides y vientos bien arranchaos, y con collaboraciones de luxu nes voces, como son les de Xune de Dixebra o Pirri d´Escuela de Odio.

El preciu, como ye vezu en Glayíu, ye popular a más no poder. Cinco euros por casi una hora de música de les que van directes a la materia gris.


Vidiu promo:
http://www.youtube.com/watch?v=8NILrjOIXfs
Más Videos:
http://www.youtube.com/watch?v=i7WGODD-xEs

Enllaces:
http://www.myspace.com/gomeruasturies
http://www.glayiu.org