martes, 27 de enero de 2009

El demonio te coma las orejas [1997-2008] (David González)


El demonio te coma las orejas [1997-2008].
Poesía de no ficción.

Ye la reedición, revisada y ampliada del primer gran poemariu de David González. Con una lírica estremada de la métrica y la rima, dotada d’un ritmu instintivu, la obra narra la experienciavital nos márxenes de la sociedá de quien tropezó con toles piedres que topó al so paso. La delincuencia, la violencia, la cárcel, y la poesía son los capítulos qu´arrancharon la mocedá de David González.

David González, (San Andrés de los Tacones, Xixón, 1964) ye l’autor de En las tierras de Goliat (Baile del Sol, 2008), Algo que declarar (Bartleby Editores, 2007) y Reza lo que sepas (Eclipsados, 2006). Incluyéronlu nuna bayura d’antoloxíes poétiques, ente otres, Resaca/Hankover. Un homenaje a Charles Bukowski (Caballo de Troya, 2008), Poesía para bacterias (Cuerdos de atar, 2008), y La venganza del Inca. Antología de poemas con cocaína (El cangrejo pistolero Ediciones, 2007), antoloxía que coordinó xunto a Vicente Muñoz Álvarez).

GLAYÍU EDITORIAL estrena con esta obra la so colección Sensibles a les Lletres, consagrada a la lliteratura social de autores contemporáneos y rescataos del
ostracismu de la República de les Lletres.

De El demonio te coma las orejas los medios dixeron:

Joaquín Fuertes, diariu El Comercio:
«David González va más lloñe que Gabriel Celaya, quien maldiz la poesía como un
luxu en poder de los neutrales, y él la ciñe a una rotundidá, a un respiru que nun ye
ayenu, casi al so pesar, de belleza. Sobre too, la belleza como sinónimu de sinceridá,
desnudando los sos sentimientos.»

Isla Correyero, revista Quimera:
«Nun soi a imaxinar la última narrativa española, o la poesía mozo, ensin esti autor
ególatra, infantil y cínicu que, como Jim Carroll, quedó nos diecisiete años xugando a
destruise, autodestruyéndose.»

------------------------------------

FICHA TÉCNICA:
El demonio te coma las orejas [1997-2998].
Poesía de no ficción.
David González
Prólogu de José Angel Barrueco
ISBN 978-84-612-6393-6
212 páxines
12x16,5 cm
Edición rústica con solapes
PVP 12€
Llicencia Copyleft (Creative commons 2.0)

No hay comentarios:

Publicar un comentario